求婚都要計到盡，叫班朋友幫手原來係想幫手夾錢

fengyan

大約兩個月前，好姊妹個男朋友私底下問我哋得唔得閒幫手求婚，真係更唔得閒都要去
而家限聚8個，唔計好姊妹同佢男朋友，佢男朋友叫咗我哋4個女仔加佢自己兩個男仔朋友

求婚日期定咗星期六晚，不過晏晝check in完我哋就幫手佈置，上到間房覺得好細間，不過可能佢哋打算求完婚我哋走咗之後繼續staycation
一早問咗佢男朋友有冇嘢要幫手買，佢拍晒心口話已經買晒唔使我哋出錢，只係要我哋幫手佈置到靚靚就得，整求婚氣球嗰陣見到佢係淘寶買返嚟邊度買唔係重點，重點係佢竟然冇買到泵氣個舊嘢，只係得條飲管仔要用口吹！
幾經辛苦吹漲晒啲波之後見到有花諗住插起佢啦，買花都唔係買真花要買假花，到底想點？係咪驚有人會鼻敏感？唔買真花，你買乾花都好呀，買膠花係咩意思？
佢男朋友買嘅嘢就只係得8個字母氣球加5個普通氣球同埋一紮假花，連去深水埗都可以買到嘅平平燈飾都冇，只係可以靠房入面啲燈，試咗好耐先可以用酒店房燈營造浪漫氣氛

成班朋友諗住過程唔多順利都算，最重要係求婚成功
我個好姊妹應承咗佢，正當大家好感動咁走，留低一對新人喺房我哋諗食咩嘅時候，收到佢男朋友之前開嗰個求婚group嘅message佢同我哋除返開條數，氣球 膠花 酒店房錢每個人要畀返幾多錢佢！
求婚係你求㗎喎，酒店房都算啦，當我哋喺房嘅時間耐過佢哋，氣球同膠花錢都要問我哋收返係咩事？淘寶買返嚟，最多連埋運費都係50蚊，咁都要除返條數？

叫班朋友幫手除咗幫手佈置之外仲想叫班朋友幫手夾錢，咁樣求婚真係好肉酸囉，你唔問埋酒店有冇啲求婚佈置可以借你用？仲慳呀

性交转运

请问内容关这兩公婆咩事呢？

fengyan

哈哈。。。